Na: Hadija Kombo-NIDA

Klabu ya Michezo ya Mamlaka ya Vitambulisho vya Taifa (NIDA Sports Club) imeanza rasmi harakati za kuwania ushindi katika mchezo wa Darts uliofanyika Novemba 15, 2024 katika Bwalo la Polisi lililopo maeneo ya Chumbageni Jijini Tanga.
Mchezo huo umeshirikisha makundi nane ya wachezaji wa kike na kiume, ambapo NIDA Wanawake, imepangwa katika kundi B pamoja na wachezaji kutoka Mzinga, DUCE, NIC na TAWIRI.
Katika michezo ya mzunguko NIDA imefanikiwa kuichakaza NIC katika mizunguko yote miwili na kujinyakulia alama zote mbili. Sambamba na hilo, michezo ya mzunguko kwa wanawake imekamilika na baada ya matokeo ya jumla, mchezo utaendelea katika hatua inayofuata kulingana na ratiba ya mchezo huo.
Kwa upande wa wanaume NIDA imepangwa pamoja na timu za Mzinga, UDSM, NBS, TET na NIC. Michezo ya makundi maarufu kama mzunguko inatarajiwa kukamilika hapo Novemba 17, 2024.
Àidha, michezo ya Draft na Pool table itaendelea kufanyika Novemba 16, 2024 katika Viwanja vya Fododhani na Mkwakwani hapa Jijini Tanga.